Уралдааны сэдэв:

52 дахь удаагийн Олон улсын Хүүхдийн дүрслэх урлагийн Лидицэ үзэсгэлэнд зориулан дараах сэдвийг сонгов.

КАРАВАН

• Караван - Жингийн цуваа нь аялал, адал явдал, эрх чөлөө эсвэл тусгаар тогтнолын тухай бодлуудыг төрүүлдэг. Энэ нь бас нэг газраас нөгөө рүү нүүж, байгальтайгаа уялдан холбогдож амьдардаг нүүдэлчдийн ахуйн амьдралыг санагдуулдаг. Илүү өргөн утгаар нь авч үзвэл караваны ачаар нийгэмших, туршлага солилцох, хил хязгааргүй аялах түүнчлэн эрх чөлөөтэй шилжилт хөдөлгөөн хийх боломжтой юм.
• Тэмээ, лам гөрөөс, альпака нь олон сая гэр бүл, ялангуяа дэлхийн хуурай, уулархаг нутагт амьдардаг малчдын амьдралын амьжиргааны гол эх үүсвэр болдог. Тэмээ нь дэлхийн экосистемд орлуулшгүй орон зай эзэлдэг бөгөөд тэдний хувь нэмрийг зохих ёсоор үнэлж, хамгаалах хэрэгтэй.
• Өмнө нь хүмүүс янз бүрийн аргаар бараа тээвэрлэдэг байсан. Аялал удаан, амаргүй байлаа. Ялангуяа ачаа, барааг хол замд тээвэрлэх шаардлагатай үед. Өнөө үед бид ачааны машин, галт тэрэг, усан онгоц, онгоц ашиглан илүү хурдан бөгөөд илүү хялбар тээвэрлэдэг болсон. Эдгээрийн ачаар бид богино хугацаанд их хэмжээний ачааг холын зайнд тээвэрлэх боломжтой болсон.
• Шууданг илгээмж, захидал, сонин хүргэхэд ашигладаг. Утас, интернэт байгаагүй үед хүмүүс холын зайнд харилцахад гол үүргийг шуудан гүйцэтгэдэг байв.
• Харилцаа холбоо нь хүмүүс хоорондоо харилцаж, санал бодлоо солилцохыг илэрхийлнэ. Мөн бидэнд зайнаас үл хамааран харилцах боломжийг олгож байгаа чухал үүрэг гүйцэтгэгч орчин үеийн технологи юм.

Бүтээлийн техник

• Гар зураг/уран зураг
• График
• Холимог арга
• Гэрэл зураг
• Кино бичлэг/хүүхэлдэйн кино
• Урлагийн объект

Уралдааны нөхцөл:

• Уралдаанд зөвхөн 4 – 16 насны хүүхэд оролцоно. Хөгжлийн бэрхшээлтэй оролцогчид насны хязгаарлалтгүйгээр тэмцээнд оролцох эрхтэй.
• 2 хэмжээст бүтээлийн хавтангийн дээд хэмжээ – 70 х 50 см.
• 3 хэмжээст бүтээлийн дээд хэмжээ – 100 х 70 х 40 см, дээд жин 10 кг.
• Нэг оролцогч уралдаанд нэг хэлбэрээр (уран зураг, гар зураг, сийлбэр, холимог аргын, гэрэл зураг, кино бичлэг/хүүхэлдэйн кино, 3 хэмжээст объект) хамгийн ихдээ хоёр бүтээл ирүүлж болно. Харин өөр өөр хэлбэрээр хэд хэдэн бүтээл ирүүлэх боломжтой.
• Гэрэл зураг сайн чанарын цаасан дээр хэвлэгдсэн байх.
• Кино бичлэг – богино хэмжээний кино болон хүүхэлдэйн кино хамгийн ихдээ 3 минутын урттай байх
• Бүтээлийн зөвхөн эх хувийг ирүүлнэ.

Уралдаанд бүтээл ирүүлэх болон бүтээлийн шошго бөглөх заавар:

1. 2024 оны 2-р сарын 23-ны өдрийн дотор уралдаанд оролцох бүтээлийг Улаанбаатар хот дахь БНЧУ-н ЭСЯ-нд Бүртгэлийн маягт оролцогчдын нэрсийн хамт (уг нийтлэлд хавсаргасан) болон бүтээлийн ар талд наах шошго бэлтгэж ирүүлнэ.

Бүртгэлийн маягт болон бүтээлийн ар талд наах шошгыг доорх зааврын дагуу бэлтгэж авчирна уу.

1. Хүүхдийн нэр, овог (энэ дарааллаар: 1. Нэр, 2. Овог)
2. Хүүхдийн  нас, хүйс
3. Бүтээлийн нэр
4. Бүтээлийн техник
5. Бүтээл ирүүлж буй байгууллага болон сургуулийн нэр, дэлгэрэнгүй хаяг (Нэр, гудамж, шуудангийн хаяг, хот, улс). Шагналтай холбоотой мэдээлэл уг хаяг руу илгээгдэнэ.
6. Уралдаантай холбоотой асуудлаар байгууллагатай харилцах и-мэйл хаяг, сургуулийн цахим хуудас болон дүрслэх урлагийн багшийн и-мэйл хаяг
7. Хэрвээ хүүхэд хувиараа оролцож байгаа бол нэр, нас, хүйс, гэрийн хаяг болон эцэг эхийн и-мэйл хаягийг бичих (хувиараа оролцож буй оролцогчийн бөглөх маягтыг энэхүү холбоосоор орж, татаж авна уу:

52-ICEFA-Lidice-2024-application-form-individual.pdf (mdvv-lidice.cz)

Шошго дээрх тэмдэглэгээ, танилцуулгыг гаргацтай, ЛАТИН, ДАРМАЛ ТОМ үсгээр /компьютер дээр бөглөөд хэвлэвэл сайн/ бөглөнө. Энэхүү нөхцөлийг хангаагүй бүтээл уралдаанд хамрагдахгүй болохыг анхаарна уу.

Анхаарах зүйлс: Уралдаанд ирүүлсэн бүтээлийг буцааж олгохгүй. Уралдаанд бүтээлийн зөвхөн эх хувийг хүлээн авна. Зураг илгээхдээ зургийн өнгө, будаг нь арилахаас сэргийлнэ үү. Зөвхөн тухайн оны өгөгдсөн сэдвийн хүрээнд бүтээл хүлээн авна. Зааснаас том хэмжээтэй, шошго нь сайтар тэмдэглэгдээгүй бүтээлийг хүлээн авахгүй.

Уралдаантай холбоотой дэлгэрэнгүй мэдээлэл, мөн уралдаанд кино бичлэг, хүүхэлдэйн кино бүтээл ирүүлэхтэй холбоотой заавар, удирдамжийг дараах цахим хуудсаас авна уу

Invitation for Children to participate in the 52nd International Children’s Exhibition of Fine Art Lidice 2024 | ICEFA Lidice (mdvv-lidice.cz)

Уралдаантай холбоотой асуудлаар Улаанбаатар хот дахь БНЧУ-ын ЭСЯ-тай дараах утас, и-мэйлээр холбоо барина уу,

Утас:                           32 18 86 (24), 99187247

И-майл хаяг:              ulaanbaatar@mzv.gov.cz